Sport24.az
Mərakeş Futbol Federasiyası İspaniya millisinin və "Barselona"nın sabiq futbolçusu Andres İnyesta ilə əməkdaşlıq imkanını nəzərdən keçirir. Sport24.az xəbər verir ki, bu haqda "Mundo Deportivo" məlumat yayıb.
Qurumun rəsmiləri potensial tərəfdaşlıq istiqamətində artıq ilk addımı atıblar. 41 yaşlı sabiq futbolçu Afrika Millətlər Kubokunun Seneqalla final matçını izləmək üçün Rabata dəvət olunub. Bu səfər İnyestanın Mərakeş millisinin strukturunda mümkün rolu ilə bağlı danışıqların başlanğıcı ola bilər.
Bildirilir ki, federasiyada "Barselona"nın keçmiş yarımmüdafiəçisini yüksək səviyyəli təcrübəsi sayəsində məşqçilər heyətini gücləndirə biləcək fiqur kimi dəyərləndirirlər. Lakin ispaniyalı mütəxəssisin tutacağı vəzifə və funksiyalarla bağlı yekun qərar hələ verilməyib.
Qeyd edək ki, Andres İnyesta 2024-cü ilin yayında futbolçu karyerasını başa vurub.
