Sport24.az
Mərakeşdə təşkil olunan Afrika Millətlər Kuboku başa çatdı. Sport24.az xəbər verir ki, Seneqal millisi tarixində ikinci dəfə turnirin qalibi oldu. Mükafatlandırma mərasimi zamanı Beynəlxalq Futbol Assosiasiyaları Federasiyası (FIFA) turnirin ən yaxşı oyunçularına fərdi mükafatlar təqdim edib.
34 yaşlı mərakeşli Yassin Bunu turnirin ən yaxşı qapıçısı seçilib. O, yeddi oyununun hamısında meydana çxıb, iki görüşdə qapısında qol görsə də, 5 qarşılaşmada "çərçivə"ni toxunulmaz saxlayıb. Seneqallı Sadio Mane isə yarışın ən yaxşı oyunçusu seçilib. 33 yaşlı hücumçu yeddi oyunda iki qol və iki məhsuldar ötürmə ilə yadda qalıb. Mərakeşin hücumameylli yarımmüdafiəçisi Brahim Dias yeddi qarşılaşmada beş qol vuraraq Afrika Millətlər kubokunun ən məhsuldar oyunçusu olub.
Qeyd edək ki, FIFA Ədalətli Oyun mükafatı isəMərakeşə təqdim olunub.
