Idman.biz
"Ferrari" komandasının rəhbəri Frederik Vasser yeddiqat dünya çempionu Lyuis Hemiltonun Meksikada Sinqapur mərhələsində yaşadığı əyləc problemlərindən əziyyət çəkməyəcəyinə əminliyini ifadə edib.
İdman.Biz-in məlumatına görə, Lyuis Hamilton müxtəlif yarışlarda, o cümlədən 2025-ci il Sinqapur Qran-prisində əyləc problemləri ilə qarşılaşıb.
Həmin yarışda həddindən artıq istiləşmə və əyləcin demək olar ki, tam sıradan çıxması döngədən qəfil dönməyə və cəriməyə səbəb olub. Bundan əlavə, Lyuis həmin Qran-pri üçün məşq zamanı da ciddi əyləc problemləri ilə qarşılaşıb və bunu 2025-ci il mövsümünün əsas çətinliklərindən biri adlandırıb.
"Trek konfiqurasiyaları çox fərqlidir. Meksikada Sinqapurdakı kimi problemlər yaşamırıq. Cümə səhəri hər şey nəzarət altında idi, amma vəziyyət tamamilə fərqlidir.
Biz təkcə əyləcləri deyil, həm də mühərriki idarə etməyə çalışırıq. Bu, Meksikada bolidin ayarlarını xeyli çətinləşdirir, çünki mühərrik, əyləclər və hər şey arasında düzgün balans tapmalıyıq. Lakin, hazırda hər şey nəzarət altındadır", - GPBlog Vasserin sözlərindən sitat gətirib.
