Idman.biz
Keçmiş "Formula-1" pilotu və hazırda ekspert kimi çıxış edən Ralf Şumaxer "Red Bull" komandasının texniki direktoru Pyer Vaşeni sərt şəkildə tənqid edib.
İdman.Biz xəbər RacingNews365-ə istinadən xəbər verir ki, Şumaxer mütəxəssisin komandanın gələcək perspektivləri üçün uyğun şəxs olmadığını bildirib.
"Hazırda "Red Bull"un qarşısında iki əsas məsələ var. Birincisi, növbəti mövsüm üçün pilot heyəti ilə bağlı qərar verməkdir. Komanda rəhbərliyi ilə bağlı məsələ artıq həll olunub. Amma məncə, Pyer Vaşe məsələsi də gündəmdə olmalıdır. O, uzunmüddətli perspektivdə bu komanda üçün düzgün seçim kimi görünmür", - deyə ekspert vəziyyəti izah edərkən söyləyib
Şumaxer bolidin performansındakı dəyişkənliyə diqqət çəkib:
"Bir neçə möhtəşəm yarış göstərildi, amma hazırda maşının işində qeyri-sabitlik sezilir. Komanda vəziyyəti araşdırmağa çalışsa da, problemlərin tam nədən qaynaqlandığı hələ də dəqiq müəyyən olunmayıb. Çempionatda rəqabət səviyyəsi çox yüksəkdir və belə səhvlərə yol vermək mümkün deyil".
