Idman.biz
Keçmiş "Formula-1" sürücüsü Ralf Şumaxer qardaşı oğlu Mikin ötə biləcəyi pilotların adını çəkib.
İdman.Biz bildirir ki, Ralf, "Alpine" komandasının Mik və Cek Dueni sınaqdan keçirdiyi testləri də xatırladıb.
"Düzünü desəm, bu testlər nəsə zarafat idi, yəni, onların təşkil olunması. Məqsəd bəlli idi. İstənilən sürücü bilir ki, Le Kastelle trası səhərlər günortaya nisbətən iki yarım, bəzən üç saniyə daha sürətli olur. Onlar, səhərlər Ceki, günorta isə Miki sükan arxasına qoydular.
Mən indi bunun üzərinə getmək istəmirəm, amma hazırda "Formula-1"də olan sürücülərin karyerasına nəzər salsaq...düşünürəm ki, Mik mütləq Tsunodadan daha yaxşı çıxış edərdi.
Bilirəm ki, Frans (Tost) indi mənimlə razılaşar, Mik Liam Lousondan güclüdür. Kolapinto isə əla start götürdü, amma davam etdirə bilmədi.
Buna görə də deyərdim ki, hər üç sürücü, mənim fikrimcə, Mikdən daha zəifdir, hətta əhəmiyyətli dərəcədə zəifdir.
Onlar yenə deyəcəklər ki, "mən onun əmisiyəm", amma bununla belə, düşünürəm ki, komanda rəhbərləri ona güvənməməklə səhv ediblər", - Ralf bildirib.
![18 yaşlı pilot Freddi Sleyter \"Audi\" üçün Formula 1-də debüt edəcək](https://sportnews.az/storage/thumbs/list/a0fa4496-3f2a-478f-870e-bfebd93e3fde.webp "18 yaşlı pilot Freddi Sleyter \\"Audi\\" üçün Formula 1-də debüt edəcək")
