Idman.biz
"McLaren"in pilotu Lando Norris 2025-ci il mövsümündə titul mübarizəsi haqqında danışıb.
İdman.Biz-in xəbərinə görə, "Formula-1"də yarışan "McLaren"in pilotu Norris "Red Bull"dan olan rəqibi Ferstappenlə bacarmağın asan olmadığını dilə gətirib.
"Niderlandda yarışdan çıxandan bəri heç də bütün yarışlarda qalib gəlməmişəm. Ona görə də bu qədər xal toplamağın asan olduğunu deyə bilmərəm. Təxminən 30 xal yığmışam. Vəziyyəti dəyişmək üçün hələ bir neçə xal qalıb, amma bu, xüsusilə də eyni maşında olan əla sürücüyə qarşı asan olmayacaq. Düşünürəm ki, bu planda mən işin öhdəsindən yaxşı gəlirəm, amma əlbəttə ki, son bir neçə yarışda qalib gələn və çox şey əldə edən başqaları da var.
Mənə elə gəlir ki, biz Maksla (Ferstappen) heç nə edə bilmirik. O, sürətlidir, "Red Bull" maşınları sürətlidir. O, bütün mövsüm boyu işin öhdəsindən əla gəlir. O, çoxlu poul mövqeləri tutub, ona görə də onların zəif olduğunu deməzdim. Mövsümün bütün dövrlərində təsnifat mərhələsində qələbələr qazanıb. Onların maşını daha yaxşı işləməyə başlayanda mübarizənin daha da gərginləşməsi təəccüblü deyil. Amma mənim üçün bu, heç nəyi dəyişmir. Mən hər həftəsonu qələbə üçün çalışıram. Mənim yanaşmam belədir. Və eyni ruhda davam edəcəyəm", - GPBlog Norrisin sözlərindən sitat gətirib.
