Idman.biz
Dördqat dünya çempionu Maks Ferstappen bu mövsüm çempionluğa ümidinin qalmadığını bildirib.
İdman.Biz xəbər verir ki, Braziliya Qran-prisində "Red Bull" pilotu sprintdə dördüncü yeri tutub, lakin sonra seçmə mərhələdə çətinlik çəkib və ilk hissədən sonra yarışdan çıxıb.
Ferstappen bu gün San Pauloda keçirilən yarışa 16-cı yerdən başlayacaq.
"Çempionluq haqqında unutmaq olar. Bu start mövqeyi ilə heç nə olmayacaq və bu sürətlə bunu unutmaq lazımdır. Maşında düzəltməli olduğumuz bir çox şey var, ona görə də bu gecə hər şeyi yenidən təhlil edib bir şey tapmağa çalışacağıq. Amma hazırda maşınımızda nəsə sadəcə işləmir. Nəsə yüz faiz səhvdir və biz hələ də onu necə düzəldəcəyimizi bilmirik", - Ferstappen deyib
Fertappen turnirdə 326 xalla üçüncüdür. O, iki "McLaren" pilotundan - britaniyalı Lando Norrisdən (365) və avstraliyalı Oskar Piastridən (356) geri qalır.
