Idman.biz
"Formula-1"in "Ferrari" komandası Beynəlxalq Avtomobil Federasiyası (FIA) ilə gərgin münasibətlər yaşayır.
İdman.Biz bu barədə "Corriere della Sera"ya istinadən xəbər verir.
Məlumata görə, tənzimləyicinin tez-tez yoxlamaları komandanı ən kiçik pozuntulara belə yol verməmək üçün bütün sahələrdə yüksək mühafizəkar yanaşmaya vadar edib.
"Paddokda "Ferrari"nin komandanı çox tez-tez yoxlayan FIA ilə çətin münasibətləri haqqında şayiələr var. Trasdakı mühəndislərinin işi avtomobildən maksimum nəticə əldə etmək üçün dizayn departamentinin işi qədər vacibdir. Yoxlamalar ucbatından son illərdə bir çox dəyərli mühəndis komandanı tərk edib. Bu da "Ferrari"nin böhranını daha da dərinləşdirib", - nəşrin məqaləsində deyilir.
