Idman.biz
1996-cı il "Formula-1" çempionu Böyük Britaniyalı Deymon Hill həmyerlisi Lando Norrisin psixoloji vəziyyətini şərh edib.
İdman.Biz bildirir ki, Norris "McLaren" komandasını təmsil edir.
"Nəsə baş verdi. Ya kimsə ona düzgün məsləhət verib, ya da özündə ilham mənbəyi tapıb. Bəlkə də sadəcə özü ilə söhbət edib. Bu uşaqlar böyüklüyün astanasındadırlar və bəzən növbəti addımı atmaq üçün yalnız bir daxili dəyişiklik kifayətdir", - deyə Hill "The Race" YouTube kanalında bildirib.
Norris Meksikada final mərhələsində "Ferrari"nin sürücüsü Şarl Lekleri 30 saniyə qabaqlayaraq qalib gəldi. Britaniyalı sürücü komanda yoldaşı Oskar Piastridən bir xal qabaqlayaraq sürücülərin sıralamasında liderlik edir.
