Idman.biz
Braziliya Meteorologiya İnstitutunun məlumatına görə, bu həftə sonu Braziliya Qran-prisinin keçiriləcəyi San-Paulo və "İnterlaqos" trassı ərazisində fırtına xəbərdarlığı elan edilib.
İdman.Biz bildirir ki, şənbə axşamına qədər gündə 50-100 mm arasında güclü yağış, saatda 100 km-ə qədər güclü külək və dolu gözlənilir.
Meteorologiya xidməti bildirib ki, elektrik kəsintiləri, ağacların yıxılması və daşqınlar da mümkündür.
"McLaren" pilotu Lando Norris hazırda çempionatda 357 xalla liderlik edir. Onun komanda yoldaşı Oskar Piastri 356 xalla ikinci yerdədir. "Red Bull" pilotu Maks Ferstappen 321 xalla üçüncü yerdədir.
