Idman.biz
Avstraliyanın Yeni Cənubi Uels regionunda keçirilən avtomobil yarışında ağır insident qeydə alınıb.
İdman.Biz xəbər verir ki, yüksək sürətlə hərəkət edən avtomobil trasdan çıxaraq birbaşa tamaşaçıların olduğu zonaya çırpılıb.
Hadisə nəticəsində yeddisi kişi, ikisi isə qadın olmaqla 20-75 yaş arası doqquz nəfər müxtəlif dərəcəli xəsarətlər alıb. 54 yaşlı bir kişininin vəziyyəti ağırdır.
İlkin məlumatlara görə, sürücü digər yarış avtomobili ilə toqquşmadan sonra nəzarəti itirib və maşın istiqaməti dəyişərək tribunaya doğru yönəlib.
Polis əməkdaşları baş verənlərlə bağlı araşdırmanı davam etdirir və insidentin bütün detalları dəqiqləşdirilir.
