Idman.biz
PFL-in yüngül çəkidə məğlubedilməz çempionu Usman Nurməhəmmədov qardaşı Umar Nurməhəmmədovun Sonq Yadonqa nokautla məğlub olması barədə fikirlərini bölüşüb.
İdman.Biz xəbər verir ki, "Red Corner MMA" YouTube kanalına danışan Usman məğlubiyyətdən sonra qardaşının özünə qapanmadığını bildirib:
"Nə var, odur. İrəli gedirik, səhvlər üzərində işləyəcəyik və inşallah, daha güclü qayıdacağıq. Bu məğlubiyyətdən sonra özümüzə qapanmağımız kimi bir şey oldumu? Özünə niyə qapanasan ki? Yıxılmayan ayağa qalxmaz. Ona görə də hər şey normaldır.
Bu, MMA-dir. Bəli, gözünün qabağında doğma qardaşınla belə bir şey baş verəndə xoş deyil, amma bilirsən, biz bu idmandayıq. Bu, belə bir idmandır. Biz də nokaut edirik, bizi də nokaut edirlər. Kifayət qədər xoşagəlməzdir, amma bununla yaşayırıq, qayıdırıq, döyüşürük.
İnşallah, növbəti döyüşü udacağıq və özümüzü heç vaxt olmadığı kimi yaxşı tərəfdən göstərəcəyik. Qeyri-adi heç nə yoxdur".
Umar Nurməhəmmədov avqustun 29-da Çinin Şanxay şəhərində keçirilən "UFC Fight Night 286" turnirində Sonq Yadongla döyüşün ikinci raundunda nokautla uduzub.
