Report.az
Şahmat üzrə Azərbaycan çempionatın bağlanış mərasimi keçirilib.
"Report" xəbər verir ki, Landmark Biznes Mərkəzində baş tutan tədbirdə Azərbaycan şahmat federasiyasının, həmçinin Gənclər və İdman Nazirliyinin rəsmiləri, şahmatçılar iştirak edib.
Təbirdə əvvəlcə Azərbaycan çempionatına dair videorolik təqdim edilib.
Daha sonra Gənclər və İdman Nazirliyinin İdman şöbəsinin müdiri Elnur Məmmədov çıxış edib. Çempionatla bağlı təəssüratlarını bölüşüb.
Şahmat Federasiyasının prezidenti Mahir Məmmədov da düşüncələrini bölüşüb. O, qalibləri təbrik edib.
Qeyd edək ki, kişilərin mübarizəsində Rauf Məmmədov Şəhriyar Məmmədyarovu üstələyərək karyerasında 6-cı dəfə Azərbaycan çempionu olub.
Qadınların yarışında Günay Məmmədzadə Gövhər Beydullayevanı məğlub edərək çempion tituluna yiyələnib.
