Report.az
Xorvatiyalı həndbolçu, "Hard" komandasının oyunçusu İvan Horvat Avstriya çempionatının matçında rəqibinin sifətinə zərbə endirdiyinə görə 26 aylıq diskvalifikasiya olunub.
"Report" xəbər verir ki, bu barədə Avstriya Həndbol Federasiyasının mətbuat xidməti məlumat yayıb.
Hadisə "Hard" və "Breqenz" komandaları arasında pley-off mərhələsinin 1/4 final matçında baş verib. İvan Horvat Markus Mahrın üzünə zərbə endirib. Həkimlər zərərçəkənin burnunun açıq sınığı diaqnozu qoyub, daha sonra onu əməliyyat ediblər.
Diskvalifikasiya ilə bağlı qərarı federasiyanın müstəqil məhkəməsi qəbul edib. Həndbolçunun cəzası 30 iyun 2027-ci il tarixinədək qüvvədə olacaq.
Qeyd edək ki, İvan Horvat 14 gün ərzində qərardan apellyasiya şikayəti verə bilər.
