Lent.az
"Real Madrid" və İngiltərə millisinin yarımmüdafiəçisi Avropa çempionatının sonunda çiynindən əməliyyat oluna bilər.
Lent.az xarici mediaya istinadla bildirir ki, Jude Bellinqhem gələn mövsümün əvvəlində üç aya qədər oyunları buraxa bilər. Hazırda yarımmüdafiəçi İngiltərə millisinin heyətindədir və Avro-2024-ə hazırlaşır. Onun gələn həftə başlayacaq Avropa çempionatında iştirakına heç nə təhlükə yaratmır.
Məlumata görə, futbolçu La Liqa oyunlarından birində aldığı çiyninin çıxmasının nəticələrindən narahatdır. Konservativ müalicə istənilən nəticəni vermir. Jude əməliyyat tələb edə bilər və sağalması üç aya qədər çəkəcək.
Bellinqhem 2023-cü ilin yayında "Borussia Dortmund"dan 103 milyon avroya keçərək "Real Madrid"in oyunçusu olub. Debüt mövsümündə o, Los Blankosun liderlərindən birinə çevrilib. Yarımmüdafiəçi bütün oyunlarda 42 matçda 23 qol vurub və 13 məhsuldar ötürmə edib, həmçinin komandanın üç kuboku - İspaniya çempionatını və Superkubokunu, həmçinin Çempionlar Liqasını qazanmasına kömək edib.
Avropa çempionatı iyunun 14-dən iyulun 14-dək Almaniyada keçiriləcək. Turnirin oyunlarına 10 şəhərin 10 stadionu ev sahibliyi edəcək. Final Berlində, Olimpiya Stadionunda baş tutacaq.
