Idman.biz
Azərbaycan Alpinizm Federasiyasının təşkilatçılığı ilə Azərbaycanın görkəmli alpinisti Akif Rüstəmovun xatirəsinə həsr olunmuş Qayayadırmanma Festivalı keçirilib.
İdman.biz xəbər verir ki, festivalda ölkənin müxtəlif bölgələrindən idmançılar, alpinizm həvəskarları və media nümayəndələri iştirak ediblər.
Festival Akif Rüstəmovun xatirəsini yaşatmaqla yanaşı, gəncləri yeni zirvələrə doğru irəliləməyə təşviq etmək, ölkədə qayayadırmanma idman növünün populyarlaşmasına dəstək vermək məqsədilə keçirilib.
Festival çərçivəsində müxtəlif yaş qruplarında qayayadırmanma üzrə (çətinlik, boulderinq) yarışlar təşkil olunub. İştirakçılar təhlükəsizlik qaydalarına ciddi riayət etməklə, yüksək idman ruhunda mübarizə aparıblar.
İdman.biz
