Report.az
Peşəkar boks üzrə sabiq dünya çempionu, filippinli Menni Pakyao 2025-ci ildə karyerasını bərpa edəcək.
"Report" TASS-a istinadən xəbər verir ki, 46 yaşlı idmançı bu barədə açıqlamasında bildirib.
O, bir sıra təkliflərinin olduğunu və müzakirələrdən sonra seçim edəcəyini söyləyib. Daha əvvəl Beynəlxalq Boks Assosiasiyasının rusiyalı prezidenti Umar Kremlyov boksçunu Moskvada döyüşməyə dəvət edib.
Qeyd edək ki, Menni Pakyao karyerası ərzində 62 qələbə qazanıb, 8 dəfə məğlub olub. Onun iştirakı ilə baş tutan daha iki görüş heç-heçə yekunlaşıb. Filippinli boksçu sonuncu dəfə 2021-ci ildə rəsmi görüş keçirib.
