Report.az
Azərbaycan millisinin qələbəsi beynəlxalq çövkən oyunlarının inkişafı üçün böyük addımdır.
"Report"un Şəkiyə ezam olunmuş əməkdaşının məlumatına görə, Azərbaycanın çövkən yığmasının baş məşqçisi Namiq Orucov jurnalistlərə açıqlamasında deyib.
O yığmanın nəticəsini dəyərləndirib:
"İlk dəfədir MDB Oyunlarına qatılmışıq. Yarış çox yüksək səviyyədə keçirildi. Təşkilatçılara minnətdarlığımı bildirirəm. Bu nailiyyətim Azərbaycan atçılığı üçün çox yüksək nəticədir. Beynəlxalq çövkən oyunlarının inkişafı üçün böyük addımdır".
Qeyd edək ki Azərbaycanın çövkən millisi III MDB Oyunlarının final matçında Özbəkistanı üstələyib və qızıl medallara sahib çıxıb.
