İdman.biz
Paris-2024 Yay Olimpiya Oyunlarında basketbolun 3x3 növündə Azərbaycan millisinin heyətində yer alacaq Mersedes Uolkerin İdman.biz saytına müsahibəsi
- Olimpiada öncəsi özünü necə hiss edirsən? Hazırlıq səviyyəni necə dəyərləndirirsən?
- Hər şey yaxşıdır. Düşünürəm ki, hazırlıq tempimiz ən yüksək səviyyədədir. Həqiqətən də çox intensiv məşqlər etdik.
- Komandada zədəlilər səbəbində bir neçə turnirdə iştirak edə bilmədiz. Bu halın Olimpiya Oyunlarında komandaya təsirsiz ötüşməməsi mümkündür?
- Yox, hansısa təsir etməyəcək. Oyunlara hələ vaxtımız var. Starta qədər hazır olacağıq.
- Paris-2024-də rəqiblərinizi necə dəyərləndirirsiz?
- Olimpiadada hər bir komanda güclüdür. Bu komandalar ilk "səkkizliy"ə təsadüfən düşməyiblər. Oyunlar çətin olacaq. Hər şey meydanda bəlli olacaq.
- Komanda yoldaşlarınızla Olimpiya çempionluğu haqqında danışırsız? Qızıl medal qazanmağa şanslarınız nə qədərdir?
- Bəli, hamımız bir-birimizlə qızıl medal qazanmağın nə qədər vacib olacağı barədə danışırıq. Paris-2024-ə vəsiqə qazanmaq üçün çox vuruşduq, qızıl medal uğrunda daha yaxşısını edəcəyimizə inanıram.
Emin Ağa
İdman.biz
