Report.az
Çövkən millisinin üzvü Vahid Məmmədov III MDB Oyunlarının finalında Özbəkistan üzərindəki qələbəni Azərbaycan ordusuna həsr edib.
"Report"un Şəkiyə ezam olunmuş əməkdaşının məlumatına görə idmançı bunu jurnalistlərə açıqlamasında deyib.
O, oyuna yaxşı hazırlaşdıqlarını bildirib:
"Özbəkistanla oyun gərgin keçdi. Finala həm özünüzü, həm də atlarımızı yaxşı hazırlamışdıq. Ona görə də qələbə qazandıq. Qələbəmizi şanlı Azərbaycan ordusuna həsr edirik".
Qeyd edək ki, Azərbaycanın çövkən millisi III MDB Oyunlarının qalibi olub.
