Qol.az
UEFA 2026-cı ildə Riqa (Latviya) və Kaunas (Litva) şəhərlərində keçiriləcək futzal üzrə Avropa çempionatında Belarus yığmasının iştirakını Latviya və Litva futbol federasiyaları ilə müzakirə edir.
QOL.az xəbər verir ki, qurum bununla bağlı açıqlama yayıb: "Bildirmək istərdik ki, Belarus yığması seçmə mərhələni keçib və final mərhələsində iştirak edəcək. Bu məsələ ilə bağlı hər iki ev sahibi assosiasiyası ilə əlaqədəyik"
Qeyd edək ki, daha öncə Latviya Futbol Federasiyasının rəhbəri Vadim Lyaşenko və Litva Futbol Federasiyasının prezidenti Edqaras Stankyaviçus Belarus yığmasının turnirdə iştirakına qarşı çıxmışdılar. Onlar bəyan etmişdilər ki, Belarus idmançılarının öz ölkələrinə buraxılmasını planlaşdırmırlar.
