Almaniyanın "Bavariya" klubunun hücumçusu Harri Keyn sol topuq nahiyəsindən uğurlu əməliyyat keçirib.
Sportify.az xəbər verir ki, 33 yaşlı futbolçu Almaniya Bundesliqasının 10-cu turunda "Köln"lə keçirilən və 1:1 hesabı ilə başa çatan matçda sol topuğundakı sindesmoz bağının qopması səbəbindən zədələnib. Əməliyyat ötən gecə həyata keçirilib.
"Harri Keyn uğurla əməliyyat olunub. “Köln”lə dünənki Bundesliqa matçında sol topuğunun sindesmoz bağının qopmasından sonra futbolçu gecə saatlarında əməliyyat edilib. İndi 33 yaşlı oyunçu reabilitasiya proqramına başlayacaq. Harriyə tezliklə sağalmağı arzulayırıq!" – deyə klubun mətbuat xidmətinin X sosial şəbəkəsindəki açıqlamasında bildirilib.