Idman.biz
Bakıda keçirilən Mütləq Döyüş Çempionatında (UFC) 11 minə yaxın bilet satılıb.
İdman.Biz xəbər verir ki, bu barədə Bakı Şəhər Halqası Əməliyyat Şirkəti məlumat yayıb.
Bildirilib ki, turnirə maraq ötən illə müqayisədə xeyli çox artıb. Biletlər rekord müddətdə tükənib. Ümumilikdə 11 minə yaxın bilet satılıb ki, onların təxminən 40 faizə yaxını xarici azarkeşlərin payına düşüb.
Turnirə dünyanın 72 ölkəsindən azarkeşlər qatıldı.
Qeyd edək ki, "UFC Fight Night Baku" turniri iyunun 27-də Milli Gimnastika Arenasında keçirilib. Azərbaycan təmsilçilərindən Tahir Abdullayev braziliyalı Cefferson Nasimentonu, Fərman Həsənov ABŞ-dən olan Erik Nolanı məğlub edib. Nazim Sadıxov Mateus Kamiloya (Braziliya) uduzub. Rafael Fiziyev gecənin əsas qarşılaşmasında meksikalı Manuel Torresə qalib gəlib.
