Report.az
"Azərreyl" qadın voleybolçular arasında Azərbaycan Yüksək Liqasında 2024/2025 mövsümünün qalibi olub.
"Report"un məlumatına görə, komanda finalın ikinci görüşündə "Abşeron"la üz-üzə gəlib.
Milli Gimnastika Arenasında baş tutan qarşılaşma "Azərreyl"in 3:0 (28:26, 30:28, 25:22) hesablı qələbəsi ilə yekunlaşıb.
Finalın ilk matçı "Abşeron"un eyni hesabla üstünlüyü ilə bitdiyindən tərəflər qalibi "qızıl set"də müəyyənləşdirməli olublar. Həlledici setdə daha dəqiq oynayan (15:12) "Azərreyl" qızıl medallara yiyələnib.
Foto: Mircavid Eminoğlu
