Qol.az
Monteneqronun paytaxtı Podqoritsada cüdo üzrə Avropa çempionatı keçirlir.
QOL.az xəbər verir ki, bu gün Azərbaycanın daha iki cüdoçusu mübarizəyə başlayıb.
Yarımfinala qədər irəliləyən Rəşid Məmmədəliyev (73 kq) bu mərhələdə Danil Lavrentevlə (IJF) üz-üzə gəlib. Rəqibinə ipponla uduzan R.Məmmədəliyev bürünc medal uğrunda qüvvəsini sınayacaq.
Bu gün mübarizəyə qoşulan Fidan Əlizadə (57 kiloqram) isə 1/8 finalda məğlub olaraq turnirlə vidalaşıb.
Qeyd dək ki, ötən gün beş idmançımız turnirdə mübarizə aparıblar. Onlardan yalnız Əhməd Yusifov (60 kq) bürünc medal qazanmağı bacarıb.
Əlavə edək ki, Azərbaycan yığması Avropa çempionatında həm fərdi idmançılarla, həm də komandalar üzrə mübarizə aparır. Ölkəmizi 12 çəki dərəcəsində ümumilikdə 9-u kişi, 6-sı qadın olmaqla 15 cüdoçu təmsil edir. Yığma həmçinin qarışıq komanda yarışında çıxış edəcək.
