Idman.biz
Azərbaycanlı bodibilder İsmayıl Həbiyev mütləq Avropa çempionu adını qazanıb.
İdman.biz xəbər verir ki, o, Santa Susannada (İspaniya) keçirilən Avropa çempionatında əvvəlcə öz kateqoriyasında, sonra isə ümumilikdə yarışın mütləq qalibi olub.
Hidayət Quluzadə isə "Muscular Mens Physique" üzrə mütləq çempion adına layiq görülüb.
Təyyar Vəliyev bodibildinqdə fərqlənərək gümüş, Yalçın Məmmədov "Masters" yarışında bürünc medal qazanıb.
Qeyd edək ki, ötən günlərdə Tərlan Əliyev həm yeniyetmələr, həm də böyüklər arasında "Mens Physique" yarışında birinci olmaqla ikiqat qələbə əldə edib. Eyni yarışda çıxış edən Əhməd Quluzadə də iki dəfə yeniyetmələr arasında gümüş, böyüklər arasında bürünc medala sahib çıxıb. Şirin Orucov digər boy kateqoriyası üzrə "Mens Physique" yarışında üçüncü olub. İlyas Abdullayev isə klassik bodibildinqdə bürünc medal qazanıb.
İdman.biz
