Report.az
Hakimlər qızıl medal qazanmağımıza mane oldular.
Bunu "Report"a açıqlamasında Azərbaycanın kişi boksçulardan ibarət millisinin böyük məşqçisi Nəriman Abdullayev Bolqarıstanda keçirilən "Strandja" turnirinin nəticələrini dəyərləndirərkən deyib.
Mütəxəssis yarışda qızıl medal qazana bilməmələrinə görə hakimləri günahlandırıb:
"Strandja" hər il Bolqarıstanda keçirilir və çox güclü turnirdir. Hətta kiçik dünya çempionatı sayılır. Yarışda 16 boksçu ilə iştirak etdik. Boksçularımız göstərdilər ki, doğrudan da bu yarışda medallar qazana bilərlər. Hakimlər qızıl medal qazanmağımıza mane oldular. Heç olmasa, iki boksçumuzdan birinə qızıl medal verməli idilər. Buna baxmayaraq, 2 gümüş və 2 bürünc medal qazandıq. Qazaxıstan, Özbəkistan, İrlandiya, İngiltərə və Gürcüstan boksçularına qalib gəlmişik. Nəticələrimiz demək olar yaxşıdır. Çoxdandır belə uğurlar olmurdu".
N.Abdullayev qarşıdakı planlardan danışıb:
"Bolqarıstandan qayıtıqdan sonra əsas yığma yenidən fiziki hazırlığa başlayıb. Bakıda bizi "İpək yolu" beynəlxalq turniri gözləyir. Daha sonra dünya çempionatına hazırlaşacağıq".
Qeyd edək ki, Azərbaycan boksçuları Bolqarıstanın paytaxtı Sofiyada keçirilən beynəlxalq "Strandja" turnirini 2 gümüş və 2 bürünc medalla başa vurublar.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
