Report.az
Heç-heçəni çox pis nəticə hesab edirəm.
"Report" xəbər verir ki, bunu Azərbaycanın futzal millisinin baş məşqçisi Vitali Borisov AVRO-2026-nın əsas mərhələsində Yunanıstana qarşı keçirdikləri oyundan sonra jurnalistlərə açıqlamasında deyib.
Mütəxəssis heç-heçə etdikləri görüş barədə danışıb:
"Meydançaya qələbə qazanmaq üçün çıxmışdıq. Oyuna da yaxşı start vermişdik. Matçın gedişində 100 faizlik qol epizodunu boşa verdik. Daha sonra rəqib komanda üstünlüyü ələ aldı. Biz də hesabı öz xeyrimizə dəyişmək üçün qapıçını meydan oyunçusu ilə əvəzlədik. Təəssüf ki, öz səhvimizdən qol buraxdıq. Baxmayaraq ki, hesabı bərabərləşdirə bildik. Amma nəticəni çox pis hesab edirəm".
Qeyd edək ki, Azərbaycan – Yunanıstan oyunu 2:2 hesablı heç-heçə ilə yekunlaşıb.
