Idman.biz
Bakı şəhərində müxtəlif güc idman növlərini bir araya gətirən Azərbaycan çempionatı baş tutub.
İdman.Biz xəbər verir ki, yarış çərçivəsində idmançılar stronqmen, strikt karl və stritliftinq üzrə bacarıqlarını nümayiş etdiriblər.
Stronqmen yarışında Gəncə təmsilçisi Əli Əliyev 161 kq nəticə ilə çıxış edərək ölkə rekordu müəyyənləşdirib.
Deddlift hərəkətində də yüksək nəticələr qeydə alınıb. Kamran Lazımov (95 kq) 350 kq ağırlığı qaldırıb və ölkə rekordunu yeniləyib.
Eyni zamanda, Vadim Zelenov (70 kq) loq lift hərəkətində 110 kq nəticə göstərərək yeni Azərbaycan rekorduna imza atıb.
Qeyd edək ki, yarışın yekunlarına əsasən, müxtəlif çəki dərəcələrində qaliblər də müəyyənləşib. Kamal Məmmədli 75 kq çəki dərəcəsində çempion olmaqla yanaşı, mütləq çempion adına layiq görülüb. Digər çəki dərəcələrində isə Cəlil Əliyev (110 kq), Nicat Hüseynov (100 kq), Sultan Sultanov (90 kq), Sadiq Musayev (82 kq), Vadim Zelenov (67,5 kq), Bora Güner (140 kq) və Surət Pirnəzərov (125 kq) birinci yeri tutublar.
