Sport24.az
"Parisdəki Olimpiya çempionu titulundan sonrakı üç həftə emosiyalar inanılmaz idi. Mən indi daha normal həyata qayıtmışam. Məşqlərə fokuslanmışam və növbəti yarışlara hazırlaşıram". Sport24.az xəbər verir ki, bunu Olimpiya çempionu Zelim Kotsoyev (73 kq) Beynəlxalq Cüdo Federasiyasının (İJF) saytına müsahibəsində deyib.
Azərbaycan yığmasının cüdoço 2024-cü ildə qazandığı uğurları xüsusi adlandırıb: "Mən ötən il əldə olunan dünya və Olimpiya çempionu titullarımdan həzz aldım. Bunu sözlə təsvir etmək çətindir. Yenidən tatamiyə qayıtdığım üçün xoşbəxtəm, amma hələlik məşqlər üçün. Bu, mənim ən yaxşı etdiyim şeydir. Arzularıma çatmışam, indi növbəti hədəfləri reallaşdırmağa hazırlaşıram".
O, ötən ildəki dünya çempionatı və Yay Olimpiya Oyunlarına hazrlıqdan danışıb: "Paris-2024 Olimpiadasına xüsusilə yaxşı hazırlaşmışdım. Heç vaxt olmadığı qədər hazır idim. Mənim üçün nəyin yaxşı olduğunu bilən məşqçilərimə tam güvənirdim. Ailəmdən də böyük dəstək alırdım və uğurlarımda onların da böyük rolu olub. Hər şeyi onların gülümsəməsi üçün edirəm. Yaxınlarımız xoşbəxt görəndə nəyəsə nail olduğumu bilirəm. Oyunlardan sonrakı mərhələ bir az qəribə keçdi. Çünki özümü yenidən motivasiya etməli idim, sanki boşluğa düşmüşdüm. Amma indi tam olaraq əvvəlki günlərə qayıtmışam. Mən öz çəkimdə favoritlərdənəm, amma bu barədə düşünməməyə çalışıram. Daha çox məşq edirəm, çünki Los-Ancelesdə keçiriləcək Oyunlarda yaxşı çıxış etmək arzusundayam".
Sonda Zelim ölkəmizdə cüdonun kifayət populyar olduğunu və böyük uğurlar üçün əlindən gələni edəcəyini deyib: "Öz üzərimdə daha çox işləyib daha uğurlu olmaq və məni izləyənlərə zövq verməyə davan edəcəyəm. Cüdo Azərbaycan kifayət qədər populyardır və biz qarşıda daha böyük nailiyyətlərə nail olacağamızı düşünürən".
