VI İslam Həmrəyliyi Oyunları: Könül Əliyeva finalda, Hidayət Heydərov yarımfinalda, Gültac Məmmədəliyeva isə mübarizəni dayandırdı

VI İslam Həmrəyliyi Oyunlarında çıxış edən Azərbaycan cüdoçusu Könül Əliyeva final mərhələsinə yüksəlib.

İdman.Biz xəbər verir ki, idmançımız yarımfinalda Qazaxıstan təmsilçisini yuko xalı ilə məğlub edərək həlledici görüşə vəsiqə qazanıb.

Finalda Könül Əliyeva Türkiyə təmsilçisi Tuğçe Beder ilə qarşılaşacaq.

Qeyd edək ki, bu iki cüdoçu V İslam Həmrəyliyi Oyunlarının da finalında üz-üzə gəlmişdi.

14:18

VI İslam Həmrəyliyi Oyunlarında ölkəmizi 73 kq çəki dərəcəsində təmsil edən Olimpiya çempionu Hidayət Heydərov yarımfinala yüksəlib.

İdman.Biz xəbər verir ki, o, ikinci görüşündə Faye Njie (Qambiya) ilə qarşılaşıb və yuko xalı ilə (rəqibə qarşı üstünlük qazandığı xal) qalib gəlib.

Yarımfinal mərhələsində Heydərov Abubakr Şerov (Tacikistan) ilə üz-üzə gələcək.

13:25

VI İslam Həmrəyliyi Oyunlarında ölkəmizi 73 kq çəki dərəcəsində təmsil edən Olimpiya çempionu Hidayət Heydərov ilk görüşündə Cibutidən olan rəqibi Aden-Aleksandr Husseyni məğlub edib.

İdman.Biz xəbər verir ki, bu barədə Azərbaycan Cüdo Federasiyası məlumat yayıb.

Bildirilib ki, Heydərov növbəti mərhələdə, yəni 1/4 finalda, Faye Njie (Qambiya) ilə qarşılaşacaq.

Eyni zamanda, -52 kq çəki dərəcəsində çıxış edən Gültac Məmmədəliyeva ilk görüşündə Türkiyədən olan rəqibi Buketnur Karabuluta uduzub və yarışdan kənarlaşıb.

İdman.Biz