Idman.biz
Almaniyanın Reyn-Rur bölgəsində keçirilən Universiadada cüdo yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün beş azərbaycanlı cüdoçu tatami üzərinə çıxıb.
Onların arasında dünya çempionatının bürünc mükafatçısı Eldcan Hacıyev (90 kq) də var. O, mübarizəyə ikinci mərhələdən başlayıb və Braziliya təmsilçisi Gilermo Moraşi ilə qarşılaşmada qələbə qazanıb.
Davud Namazlı (100 kq) ilk görüşündə Litva təmsilçisi Tadas Narkusu məğlub edib, lakin növbəti mərhələdə yaponiyalı Miku Nozomaya uduzub.
Ramazan Əhmədov (+100 kq) Moldova idmançısı Alin Baqrini məğlub edərək mərhələ adlayıb.
Nigar Süleymanova (+78 kq) Böyük Britaniyadan olan Lüsi Uillyamsa qalib gəlib, lakin daha sonra Cənubi Koreya təmsilçisi Ha-Yun Kimə məğlub olub.
Nərmin Əmirli (78 kq) isə ilk görüşündə Fransa idmançısı Kaliya İssufiyə uduzub.
***
09:10
Almaniyanın Reyn-Rur bölgəsində keçirilən Universiadada cüdo yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün beş azərbaycanlı cüdoçu tatami üzərinə çıxacaq.
Onların arasında dünya çempionatının bürünc mükafatçısı Elcan Hacıyev (90 kq) də var. O, mübarizəyə ikinci mərhələdən başlayacaq.
Davud Namazlı (100 kq) Litva təmsilçisi Tadas Narkusla qarşılaşacaq, Ramazan Əhmədov (+100 kq) isə Moldova idmançısı Alin Baqrini məğlub etməyə çalışacaq.
Nərmin Əmirli (78 kq) Fransa təmsilçisi Kaliya İssufi ilə, Nigar Süleymanova (+78 kq) isə Böyük Britaniyadan olan Lüsi Uillyamsla qarşılaşacaq.
Qeyd edək ki, yarışların ilk iki günündə cüdoçularımız medal qazana bilməyiblər.
İdman.biz
