"UFC Fight Night": Bakı turniri başlayıb, ilk görüşlər keçirilib - YENİLƏNİB

Mütləq Döyüş Çempionatının (UFC) Bakıda təşkil olunan turnirində daha bir görüş keçirilib.

"Report"un məlumatına görə, "UFC Fight Night"ın üçüncü qarşılaşmasında İrina Alekseyeva (Rusiya) Klaudiya Siqula ilə (Polşa) üz-üzə gəlib.

Yarım yüngül çəkidə üç raund davam edən dueldə Polşa təmsilçisi rəqibini məğlub edib.

Qeyd edək ki, əsas döyüşlər saat 23:00-da start götürəcək. "UFC Fight Night"ın əsas duelində ABŞ təmsilçiləri Camal Hill və Halil Rountri üz-üzə gələcəklər.

Azərbaycan idmançılarından Tofiq Musayev Qırğızıstandan olan Mıktıbek Orolbai ilə, Rafael Fiziyev Çilidən olan İqnasio Bahamondeslə, Nazim Sadıxov isə braziliyalı Nikolas Motta ilə qarşılaşacaq.

21:17

Mütləq Döyüş Çempionatının (UFC) Bakıda təşkil olunan turnirində daha bir görüş keçirilib.

"Report"un məlumatına görə, "UFC Fight Night"ın ikinci qarşılaşmasında Taqir Ulanbekov (Rusiya) Maksum Azatla (Qazaxıstan) üz-üzə gəlib.

Super yüngül çəkidəki dueldə Rusiya təmsilçisi rəqibini məğlub edib.

Qeyd edək ki, əsas döyüşlər saat 23:00-da start götürəcək. "UFC Fight Night"ın əsas duelində ABŞ təmsilçiləri Camal Hill və Halil Rountri üz-üzə gələcəklər.

20:48

Mütləq Döyüş Çempionatının (UFC) Bakıda təşkil olunan turnirində ilk görüş keçirilib.

"Report"un məlumatına görə, "UFC Fight Night"ın birinci qarşılaşmasında Hamdi Abdel Vahab (Misir) Muhammad Usmanla (Nigeriya) üz-üzə gəlib.

Ağır çəkidə üç raund davam edən dueldə Nigeriya təmsilçisi rəqibini məğlub edib.

Qeyd edək ki, əsas döyüşlər saat 23:00-da start götürəcək. "UFC Fight Night"ın əsas duelində ABŞ təmsilçiləri Camal Hill və Halil Rountri üz-üzə gələcəklər.

FOTO: Məhəmməd Ağayev

20:23

Bakıda Mütləq Döyüş Çempionatının (UFC) turnirinə start verilib.

"Report"un məlumatına görə, Bakı Kristal Zalında təşkil olunan yarışda ilk olaraq 6 qarşılaşma baş tutacaq.

Hazırda ağır çəkidə Hamdi Abdel Vahab (Misir) - Muhammad Usman (Nigeriya) görüşü başlayıb. Əsas döyüşlər saat 23:00-da start götürəcək. "UFC Fight Night"ın əsas duelində ABŞ təmsilçiləri Camal Hill və Halil Rountri üz-üzə gələcəklər.

"UFC Fight Night"ın görüşləri

İlkin döyüşlər

Ağır çəki: Hamdi Abdel Vahab (Misir) - Muhammad Usman (Nigeriya)

Yarım yüngül çəki: İrina Alekseyeva (Rusiya) - Klaudiya Siqula (Polşa)

Yarım orta çəki: Sok Hyön Ko (Cənubi Koreya) - Oban Elliott (Uels)

Yarım yüngül çəki: Melissa Mallins (İngiltərə) - Darya Jeleznyakova (Rusiya)

Orta çəki: İsmail Naurdiyev (Mərakeş) - Pak Çun Yon (Cənubi Koreya)

Super yüngül çəki: Taqir Ulanbekov (Rusiya) - Maksum Azat (Qazaxıstan)

Əsas döyüşlər

Yarım yüngül çəki: Məhəmməd Nayimov (Tacikistan) - Boqdan Qrad (Avstriya)

Yüngül çəki: Nazim Sadıxov (Azərbaycan) - Nikolas Motta (Braziliya)

Ağır çəki: Körtis Bleyds (ABŞ) - Rizvan Kuniyev (Rusiya)