Sport24.az
Fevralın 14-16-da Milli Gimnastika Arenasında keçiriləcək "Böyük Dəbilqə" turnirində Azərbaycanın 15 cüdoçusu seçilmişlər arasında olacaq. Sport24.az xəbər verir ki, onlardan üçü - Turan Bayramov (reytinqdə 3-cü), Balabəy Ağayev (6-cı) və Əhməd Yusifov (8-ci) 60 kq çəki dərəcəsində mübarizə aparacaq.
66 kq çəki dərəcəsində də üç təmsilçimiz - Ruslan Paşayev (3-cü), Yaşar Nəcəfov (6-cı) və Rəşad Elkiyev (8-ci) ilk "səkkizlik"də yer alıb.
Həmçinin yüksək reytinqli cüdoçularımız arasında ikinci start nömrəsinə sahib Rəşid Məmmədəliyev (73 kq), müvafiq olaraq, üçüncü və altıncı mövqelərdəki Zelim Tsakayev və Ömər Rəcəbli (hər ikisi 81 kq), ilkin protokolda dördüncü olan Murad Fətiyev (90 kq) və gücünə görə ikinci sayılan Uşanqi Kokauri (+10 kq) də var.
Qadınların yarışında Leyla Əliyeva (48 kq) və Aydan Vəliyeva (52 kq) yeddincidirlər, 63 kq çəki dərəcəsində isə iki idmançımız - Acelya Toprak (7-ci) və Fidan Əlizadə (8-ci) də rahat start mövqeləri əldə edə biləcəklər.
