İdman.biz
Sentyabrın 13-15-də Xorvatiyanın paytaxtı Zaqrebdə keçiriləcək Qran-prinin reytinq favoritləri bəlli olub.
İdman.biz xəbər verir ki, Azərbaycan cüdoçuları Turan Bayramov (60 kq) və Vüqar Talıbov (90 kq) öz çəkilərinin liderləridir.
Hər iki cüdoçumuz hazırda öz kateqoriyalarında iştirakçılar arasında birinci pillədədir. Bayramov dünya reytinqində 17-ci, Talıbov isə 21-cidir. Onların turnirdə favorit olması aparıcı cüdoçuların Paris-2024 Yay Olimpiya Oyunlarından sonrakı aşağı fəallığı ilə bağlıdır.
Xorvatiyadakı turnirdə Əhməd Yusifov (60 kq), Ruslan Paşayev, Nazir Talıbov (hər ikisi 66 kq), İbrahim Əliyev, Nəriman Mirzəyev (hər ikisi 73 kq), Ömər Rəcəbli, Zaməddin Poladov (hər ikisi 81 kq) və İmran Yusifov (+100 kq) da çıxış edəcəklər.
İdman.biz
