Ölkə birinciliyinin komanda yarışları keçirilib

Bu gün 18 yaşa qədər cüdoçuların ölkə birinciliyinin qızlar və oğlanlar arasında komanda yarışları keçirilib. Sport24.az xəbər verir ki, Fövqəladə Hallar Nazirliyinin İdman Sağlamlıq Mərkəzində keçirilən yarışda qızlar arasında 7 komanda, oğlanlar arasında isə 11 komanda kubok uğrunda mübarizə aparıb.

Qızların yarışında 48 kq, 52 kq, 57 kq 63 kq və +63 kq çəkilərdə, oğlanların yarışında 60 kq, 66 kq, 73 kq, 81 kq və +81 kq çəki dərəcələrində ümumilikdə 128 cüdoçu gücünü sınayıb.

Qızlar arasında bürünc medal uğrunda görüşlərdə Bakı şəhəri 1 nömrəli İOEUGİM 3:0 hesabı ilə Bakı şəhəri 8 nömrəli İOEUGİM-ə, Bakı şəhəri 13 nömrəli İOEUGİM 3:0 hesabı ilə Respublika Kompleks İdman Məktəbinə qalib gəlib.

Final görüşü Neftçi İdman Klubu ilə Cüdo Klub 2012 arasında keçirilib. Cüdo Klub 2012 3:2 hesabı ilə qalib gələrək qızlar arasında komanda yarışlarının kubokunu və qızıl medallarını qazanıb.

Oğlanlar arasında bürünc medal uğrunda görüşlərdə Abşeron-Xızı regionunun 1-ci komandası 3:0 hesabı ilə Bakı şəhəri 10 nömrəli İOEUGİM-ə, Bakı şəhəri 1 nömrəli İOEUGİM 3:0 hesabı ilə Neftçi İdman Klubuna qalib gəlib.

Final görüşü Cüdo Klub 2012 ilə Bakı şəhəri 13 nömrəli İOEUGİM arasında keçirilib. Cüdo Klub 2012 3:0 hesabı ilə qalib gələrək oğlanlar arasında komanda yarışlarının kubokunu və qızıl medallarını əldə edib.

Ölkə birinciliyinin komanda yarışları

Qızlar:

1. Cüdo Klub 2012
2. Neftçi İdman Klubu
3. Bakı şəhəri 1 nömrəli İOEUGİM
3. Bakı şəhəri 13 nömrəli İOEUGİM
5. Bakı şəhəri 8 nömrəli İOEUGİM
5. Respublika Kompleks İdman Məktəbi
7. Abşeron-Xızı

Oğlanlar:

1. Cüdo Klub 2012
2. Bakı şəhəri 13 nömrəli İOEUGİM
3. Abşeron-Xızı regionunun 1-ci komandası
3. Bakı şəhəri 1 nömrəli İOEUGİM
5. Bakı şəhəri 10 nömrəli İOEUGİM
5. Neftçi İdman Klubu
7. Respublika Kompleks İdman Məktəbi
7. Şuşa UGİM