Idman.biz
"Burada heç bir möcüzə yoxdur, sadəcə olaraq zəhmət var".
İdman.biz xəbər verir ki, bu sözləri Şimali Makedoniyanın paytaxtı Skopyedə keçirilən kadetlər arasında cüdo üzrə Avropa çempionatının ilk günündə əldə edilən nəticəni şərh edən Azərbaycanın komandasının məşqçisi Nicat Şıxəlizadə deyib.
Komanda yarışın ilk günündə 3 qızıl, 1 gümüş və 2 bürünc medal qazanaraq ümumi sıralamada liderliyə yüksəlib.
Şıxəlizadə belə nəticənin onlar üçün xoş sürpriz olduğunu bildirib: "Bu nəticənin arxasında böyük zəhmət dayanır. Amma yenə də bu qədər medal gözləmirdik. İki medal ümidimiz var idi, amma altı medal qazandıq! Çox xoşbəxtik. Bu hələ birinci gündür və biz artıq özümüzü də qabaqlamışıq. Bu gün də mübarizəmizi davam etdirəcəyik".
Qeyd edək ki, Anar Quliyev (50 kq), Rəsul Əlizadə (55 kq) və Zeyd Ələsgərov (60 kq) qızıl, Nərmin Ağamirzəzadə (48 kq) gümüş, Gülşən Hüseynova (44 kq) və Leyla Ələkbərova (48 kq) isə bürünc medal qazanıblar.
İdman.biz
