Idman.biz
Şimali Makedoniyanın paytaxtı Skopyedə keçirilən XVIII Avropa Gənclər Yay Olimpiya Festivalının (EYOF) cüdo yarışlarında Azərbaycan milli komandası daha bir medal qazanıb.
İdman.biz xəbər verir ki, Məhəmməd Ağakişiyev (73 kq) uğurlu çıxışı ilə fərqlənib.
Cüdoçumuz bürünc medal uğrunda görüşdə belaruslu Aleksandr Aleynikova qızıl xalla qalib gələrək fəxri kürsüdə yer almağı bacarıb.
Qeyd edək ki, EYOF-2025-də daha əvvəl Azərbaycan cüdoçularından Gülşən Hüseynova (44 kq), Rza Xəlilli (50 kq), Rəsul Əlizadə (55 kq) qızıl, Nuranə Hacızadə (48 kq), Zeyd Ələsgərov (60 kq) gümüş və Aysun Məmmədova (52 kq) bürünc medal qazanıb. 3 qızıl, 2 gümüş və 2 bürünc olmaqla 7 medala malik yığmamız ümumi komanda hesabında liderliyini qoruyur.
İdman.biz
