Sport24.az
Bu gün Estoniyanın paytaxtı Tallində cüdo üzrə gənclər arasında Avropa çempionatı start götürüb. Sport24.az xəbər verir ki, ilk yarış günü 6 cüdoçumuz tatamiyə çıxıb.
Oğlanların yarışında 1, qızlarda isə 5 təmsilçimiz qalib adı uğrunda mübarizə aparıb.
Könül Əliyeva (48 kq) 1/8 finalda türkiyəli Bequmnaz Doğruyoldan üstün olub. 1/4-də rumıniyalı Laura Boqdanı da məğlub edən Könül yarımfinala yüksəlib. O, burda fransalı Morqan Annisdən də güclü olub. Əliyeva qızıl medal uğrunda görüşdə türkiyəli Zilan Ertemə qalib gələrək fəxri kürsünün ən yüksək pilləsinə qalxıb.
Fidan Əlizadə O(57 kq) ilk görüşdə lixteynşteynli Lei Vissadan üstün olub. O, 1/8 finalda sloveniyalı Yevgeniya Qaiçi də məğlub edib. Növbəti mərhələdə britaniyalı Kloe Linkdən də güclü olan Fidan yarımfinala yüksəlib. Bu mərhələdə Əlizadə rumıniyalı Vanessa Toleaya heç bir şans verməyib. Cüdoçumuz gürcüstanlı Nino Loladzeni məğlub etsə, qızıl medal qazanacaq.
