Idman.biz
Olimpiya çempionu Hidayət Heydərov 73 kq çəki dərəcəsində gərgin mübarizədə özbək cüdoçunu məğlub edərək qalib gəlib.
İdman.Biz bildirir ki, bu, Azərbaycan idmançılarının İslam Oyunlarında ilk qızıl medalıdır.
19:57
VI İslam Həmrəyliyi Oyunları davam edir.
İdman.Biz xəbər verir ki, təmsilçimiz Ruslan Paşayev 66 kq çəki dərəcəsində qırğız cüdoçusu Ebol Abasbekov üzərində bürünc medal görüşündə qalib gəlib.
19:28
VI İslam Həmrəyliyi Oyunları davam edir.
İdman.Biz bildirir ki, 52 kq çəki dərəcəsində mübarizə aparan Aydan Vəliyeva üçüncü yer uğrunda görüşdə Özbəkistan cüdoçusu Muhayyo Əhmədovanı məğlub edərək bürünc medal qazanıb.
18:38
VI İslam Həmrəyliyi Oyunlarında çıxış edən Azərbaycan cüdoçusu Könül Əliyeva final görüşçünə çıxıb.
İdman.Biz xəbər verir ki, Könül Əliyeva finalda türkiyəli idmançıya uduzaraq gümüş medal qazanıb.
15:52
VI İslam Həmrəyliyi Oyunlarında çıxış edən Azərbaycan cüdoçuları Könül Əliyeva və Hidayət Heydərov final mərhələsinə yüksəlib.
İdman.Biz xəbər verir ki, Könül Əliyeva yarımfinalda Qazaxıstan idmançısı Diana Burkeyevanı yuko xalı ilə (rəqibə qarşı üstünlük qazandığı xal) məğlub edərək həlledici görüşə vəsiqə qazanıb.
Finalda Könül Əliyeva Türkiyə təmsilçisi Tuğçe Beder ilə qarşılaşacaq.
Eyni zamanda Hidayət Heydərov da yarımfinalda rəqibi Abubakr Şerovu (Tacikistan) üstələyərək finala vəsiqə qazanıb.
14:18
VI İslam Həmrəyliyi Oyunlarında ölkəmizi 73 kq çəki dərəcəsində təmsil edən Olimpiya çempionu Hidayət Heydərov yarımfinala yüksəlib.
İdman.Biz xəbər verir ki, o, ikinci görüşündə Faye Njie (Qambiya) ilə qarşılaşıb və yuko xalı ilə (rəqibə qarşı üstünlük qazandığı xal) qalib gəlib.
Yarımfinal mərhələsində Heydərov Abubakr Şerov (Tacikistan) ilə üz-üzə gələcək.
13:25
VI İslam Həmrəyliyi Oyunlarında ölkəmizi 73 kq çəki dərəcəsində təmsil edən Olimpiya çempionu Hidayət Heydərov ilk görüşündə Cibutidən olan rəqibi Aden-Aleksandr Husseyni məğlub edib.
İdman.Biz xəbər verir ki, bu barədə Azərbaycan Cüdo Federasiyası məlumat yayıb.
Bildirilib ki, Heydərov növbəti mərhələdə, yəni 1/4 finalda, Faye Njie (Qambiya) ilə qarşılaşacaq.
Eyni zamanda, -52 kq çəki dərəcəsində çıxış edən Gültac Məmmədəliyeva ilk görüşündə Türkiyədən olan rəqibi Buketnur Karabuluta uduzub və yarışdan kənarlaşıb.
