İdman.biz
Avropa Cüdo İttifaqı (EJU) Vüsal Qələndərzadəni sentyabrın 5-8-də Estoniyanın paytaxtı Tallində keçiriləcək yeniyetmələr arasında Avropa çempionatında 73 kq-a qədər çəki dərəcəsində əsas favoritlərdən biri kimi göstərib.
İdman.bizin məlumatına görə, qurum hesab edir ki, azərbaycanlı idmançı ötənilki nəticəsini təkrarlaya bilər.
"Hazırlıqlı olan Vüsal Qələndərzadə keçən il gənclər arasında Avropa çempionatında üçüncü yeri tutduqdan sonra daha yaxşı nəticə göstərmək üçün fürsət axtaracaq.
Bundan əvvəl o, 2022-ci ildə titul qazanıb. Yeniyetmələr arasında hazırkı dünya çempionu Vüsal 73 kq-a qədər çəki dərəcəsində üstünlüyünü qorumalıdır. Yalnız Georgiy Loladze (Gürcüstan) və Maqomed Qazaloev (Belçika) kimi bir neçə cüdoçu onun yolunda maneə ola bilər", - EJU-nun məlumatında vurğulanıb.
İdman.biz
