Idman.biz
Cüdo üzrə Azərbaycan çempionatı başa çatıb və turnirin son günündə Bakı İdman Sarayında komanda yarışları keçirilib.
İdman.Biz xəbər verir ki, qadınlar arasında keçirilən mübarizədə çempionluğa Şuşa UGİM yiyələnib.
"Umbayev Sport Club" gümüş medalla kifayətlənib, bürünc mükafat isə "Neftçi" İdman Klubunun birinci komandasına qismət olub.
Kişilər arasında isə "Kanokan-TT" PCİK Azərbaycan çempionu adını qazanıb. "Azəri-Cüdo" İKİB ikinci yeri tutub, "Sərhədçi" İM və "Atilla" İK komandaları isə üçüncü yeri bölüşüblər.
Beləliklə, ölkə çempionatı gərgin və maraqlı mübarizə şəraitində yekunlaşıb.
09:30
Bakı İdman Sarayında təşkil olun Cüdo üzrə Azərbaycan çempionatının son günündə komanda yarışları keçiriləcək.
İdman.Biz xəbər verir ki, yarışda qadınlar arasında 5, kişilər arasında isə 7 komanda kubok uğrunda mübarizə aparacaq. Qadın cüdoçular -52 kq, -57 kq, -63 kq, -70 kq və +70 kq, kişilər isə -66 kq, -73 kq, -81 kq, -90 kq və +90 kq çəki dərəcələrində tatamiyə çıxacaqlar. Ümumilikdə 80 cüdoçu qüvvəsini sınayacaq.
Təsnifat görüşlərinə saat 10:00-da start veriləcək, final bloku isə saat 17:00-da başlayacaq. Azarkeşlər turniri arenada canlı izləyə biləcəklər və giriş sərbəst olacaq.
Qeyd edək ki, ölkə çempionatı "CBC Sport" telekanalında və Azərbaycan Cüdo Federasiyasının rəsmi "YouTube" kanalında canlı yayımlanacaq.
