Idman.biz
Bu gün Monqolustanın paytaxtı Ulan-Batorda cüdo üzrə "Böyük Dəbilqə" turnirinə start verilib.
İdman.biz xəbər verir ki, Azərbaycan millisinin hər üç idmançısı ilk yarış günündə tatamiyə çıxıb.
Kişilər
60 kq
Balabəy Ağayev 1/8 finalda Mendsayxan Nyamsureni (Monqolustan) məğlub edib. O, ikinci görüşündə Hayato Kondo (Yaponiya) ilə güləşəcək.
Turan Bayramov da "Böyük Dəbilqə"yə qələbə ilə başlayıb. Sumiyabazar Enxtayvanı (Monqolustan) mübarizədən kənarlaşdıran təmsilçimiz 1/4 finalda Mehrzod Sufiyevlə (Tacikistan) ilə üz-üzə gələcək.
66 kq
Elşən Əsədov Cantsandorj Unurbat (Monqolustan), ardınca Boqdan Yadova (Ukrayna) qalib gəlsə də, 1/4 finalda Baurjan Narbayevə (Qazaxıstan) uduzub. O, təsəlliverici görüşdə Jihyuk Yanqla (Cənubi Koreya) qarşılaşacaq.
Qeyd edək ki, yarış 3 gün davam edəcək.
İdman.biz
