Azərbaycan millisi “Top-9”da

Bu il beynəlxalq cüdo yarışlarında ən çox medal qazanan ölkələr bəlli olub.

İdman.biz xəbər verir ki, Azərbaycan yığması dünyanın ilk "doqquzluğ"unda yer alıb.

Böyüklər, gənclər, yeniyetmələr və veteranlar səviyyəsində turnirlərdə cüdoçularımız 141 mükafat qazanıb. Bunların 43-ü qızıl, 33-ü gümüş və 65-ci bürüncdür. Bu, ona dünya medal sıralamasında 9-cu yeri tutmağa imkan verib.

Qazanılan mükafatların sayına görə cüdonun yaradıcıları olan Yaponiya da Azərbaycandan xeyli geri qalır.

Əlbəttə, Paris-2024 Yay Olimpiya Oyunlarındakı tarixi nəticə də xüsusi göstəricidir. Burada Hidayət Heydərov (73 kq) və Zelim Kotsoyev (100 kq) öz qələbələrini qeyd ediblər. Komandamız ümumi hesabda yalnız Yaponiyadan geri qalaraq ikinci yeri tutub.

Bundan əvvəl millimizin hər iki lideri dünya çempionu titulunu Abu Dabidə keçirilən mundialda əldə ediblər.

Beynəlxalq turnirlərdəki uğurlu çıxış baxımından Bakıdakı "Böyük Dəbilqə" məhsuldar olub. Tatami sahibləri evdə qızıl het-trik edib: Zelim Tçkayev (81 kq), Murad Fətiyev (90 kq) və Hidayət Heydərov (73 kq) fəxri kürsünün ən yüksək pilləsinə qalxıb.

Hidayət Heydərov (73 kq) və Elcan Hacıyevin (81 kq) fəxri kürsünün ən yüksək pilləsinə qalxdığı Avropa çempionatı da uğurla əlamətdar olub. Yeri gəlmişkən, Elcan bu mövsüm artıq 5 dəfə fərqlənib: o, Paris və Tbilisidə "Böyük Dəbilqə" yarışlarının finalında çıxış edib, həmçinin Astanada keçirilən analoji turnirdə və Portuqaliyada keçirilən Qran-Pridə bürünc medal qazanıb.

Ümumi medal sayında Fransa 119 qızıl, 99 gümüş və 176 bürünc medalla liderdir. Sonrakı yerdə Gürcüstan (69-59-97) qərarlaşıb. Almaniya isə ilk "üçlüy"ü (66-52-85) qapayır.

Zəki Feyzullayev
İdman.biz