İdman.biz
Azərbaycan Cüdo Federasiyası 2024-2028-ci illər üçün strategiyasını təqdim edib.
İdman.biz xəbər verir ki, bu barədə federasiyanın Azərbaycan icraçı vitse-prezidenti Rəşad Rəsullu məlumat verib.
O, Milli Mətbuat Gününə həsr edilmiş tədbirdə federasiyanın ən əsas məqsədinin Azərbaycanı cüdoda dünyanın qabaqcıl ölkələrindən birinə çevirmək olduğunu bildirilb. Baş katib 4 illik inkişaf planında 3 strateji istiqamət və dəstəkləyici amilləri açıqlayıb: Strateji istiqamətlər kütləviliyin artırılması, istedadların inkişaf yolunun təkmilləşdirilməsi, elit idmanda nailiyyətlərin yaxşılaşdırılmasıdır.
Rəsullu ACF-nin yaxın illərdə ölkəmizdə böyük yarışlar keçirmək planı olduğunu deyib: "Söhbət Avropa çempionatından gedir. Artıq Cüdo Avropa İttifaqı ilə ilkin danışıqlar olub. Paris-2024 Olimpiadasından sonra qərar veriləcək".
Zəki Feyzullayev
İdman.biz
