Avropa çempionatı: 3 cüdoçumuz YARIMFİNALDA

Bu gün Estoniyanın Tallin şəhərində cüdo üzrə gənclər arasında Avropa çempionatı start götürüb.

İdman.biz xəbər verir ki, ilk yarış günü 6 cüdoçumuz tatamiyə çıxıb.

Oğlanların yarışında 1, qızlarda isə 5 təmsilçimiz qalib adı uğrunda mübarizə aparır.

Avropa çempionatı
Oğlanların yarışı
60 kq
Nizami İmranov 1/8 final finalda mübarizəyə başlayıb. O Françesko Sampinonu (İtaliya) məğlub edərək növbəti mərhələyə yüksəlib. Nizaminin 1/4 finalda serbiyalı Marko Yorgiçdən də üstün olub. Nizaminin yarımfinalda rəqibi Zahariye Dijol olacaq.

Qızların yarışı
48 kq
Könül Əliyeva 1/8 finaldan türkiyəli Bequmnaz Doğruyoldan üstün olub. ¼ finalda rumıniyalı Laura Boqdanı da məğlub edən Könül yarımfinala yüksəlib. Burda o Morqan Annislə (Fransa) qarşılaşacaq.
Bu çəkidə Fəridə Mirzayeva ilk mərhələdə Vodianna Melaniiadan (Ukrayna) üstün olsa da 1/8 finalda Sammer Şovlaya (Böyük Britaniya) uduzub.

52 kq
İlk mərhələdən tatamiyə çıxan Xədicə Qədəşovanın fransalı Alissi Pulanjini üstələyib. O, 1/8 finalda almaniyalı Lena Dyeriouya da qalib gəlib. Xədicənin 1/4 finalda Mikaela Skiakovelliyə (İtaliya) uduzub. Qədəşova bürünc medal uğrunda təsəlliverici görüşdə Luka Mamira (Macarıstan) ilə qarşılaşacaq.

57 kq
Fidan Qasımova ilk mərhələdə Anne Şaşlaya (Macarıstan) uduzub.

Fidan Əlizadə ilk görüşdə lixteynşteynli Lei Vissadan üstün olub. O, 1/8 finalda sloveniyalı Yevgeniya Qaiçi də məğlub edib. Növbəti mərhələdə britaniyalı Kloe Linkdən də güclü olan Fidan yarımfinala yüksəlib. Bu mərhələdə Əlizadənin rəqibi Vanessa Tolea (Rumıniya) olacaq.

İdman.biz