Idman.biz
Dekabrın 28-də 14 yaşadək cüdoçular arasında Azərbaycan birinciliyinə yekun vurulub və son yarış günündə komanda mübarizələri keçirilib.
İdman.Biz xəbər verir ki, Abşeron Olimpiya İdman Kompleksində təşkil olunan turnirdə oğlanlar arasında on, qızlar arasında isə beş komanda iştirak edib.
Oğlanların yarışında Bakı şəhəri 13 nömrəli İOEUGİM PHŞ komandası birinci yeri tutaraq qızıl medala sahib çıxıb. Abşeron-Xızı RGİİ komandası ikinci yeri tutub. Respublika Kompleks İdman Məktəbi və Sumqayıt şəhəri 1 nömrəli İOEUGİŞM komandaları üçüncü yeri bölüşüblər.
Qızların komanda yarışında isə Gəncə-Daşkəsən RGİİ komandası birinci olub. Bakı şəhəri 13 nömrəli İOEUGİM PHŞ ikinci yeri tutub. Respublika Kompleks İdman Məktəbinin komandası üçüncü yerlə kifayətlənib.
