Sport24.az
Ölkənin qərb hissəsində baş verən dağıdıcı zəlzələdən sonra Kolumbiya Futbol Federasiyası daxili çempionatın dayandırıldığını açıqlayıb. Sport24.az xəbər verir ki, bu barədə liqanın mətbuat xidməti məlumat yayıb:
"Ölkənin şəhər və bölgələrindəki vəziyyəti qiymətləndirdikdən sonra çempionatın bu həftə dayandırılması qərarı verildi. Bu qərar, ilk növbədə, Kolumbiyaya və bu gün çətinliklərlə üzləşən hər kəsə olan sadiqliyimizdən irəli gəlir.
Yaşananlardan təsirlənən 36 klubun hamısı səylərini icmalara yardım və bərpa işlərinə yönəldəcək, bu fövqəladə vəziyyətdə ölkəni dəstəkləmək üçün imkanlarını və resurslarını təklif edəcək. Futbol bu gün gözləyə bilər, Kolumbiyanın bizə ehtiyacı var".
Qeyd edək ki, 7,4 bal gücündə zəlzələ Şoko departamentinin San Jose del Palmar şəhəri yaxınlığında baş verib. Kolumbiya prezidenti Abelardo de la Espriellanın sözlərinə görə, ölənlərin sayı 111 nəfərə çatıb.
