Idman.biz
UFC-nin orta çəkidə sabiq çempionu Şon Striklend 84 kq-a qədər çəki dərəcəsində sabiq titul sahibi Robert Uitakkerlə mümkün döyüş ehtimalına kəskin münasibət bildirib.
İdman.Biz "Sportskeeda"ə istinadən xəbər verir ki, amerikalı döyüşçü bu döyüşün onu ruhlandırmadığını etiraf edib.
"Bu, məni həyəcanlandıran döyüş deyil. Rob elə bir qız kimidir ki, ziyafətdə hamı onunla yatıb. Sən də deyirsən: yaxşı, əgər gecə saat üçə kimi heç kim qalmasa, onda cəhd edərəm. O, həddindən artıq çox döyüşür. Ernandeslə döyüş isə məni doğrudan da həyəcanlandırır. Mənə yeni bir şey verin, fərqli bir şey verin", - deyə Striklend bildirib.
Daha əvvəl Şon Striklend Çeçenistan və Dağıstandan olan döyüşçülərlə məşq prosesi barədə də fikirlərini bölüşmüşdü.
