Idman.biz
Yeni Ramana qəsəbəsində "Arzuman" MMA-Fitnes zalı fəaliyyətə başlayıb.
İdman.Biz xəbər verir ki, bu barədə Azərbaycan Respublikasının Gənclər və İdman Nazirliyi məlumat yayıb.
Bildirilib ki, zal tanınmış MMA idmançısı Nəriman Abbasov tərəfindən istifadəyə verilib. Zalın açılışında gənclər və idman naziri Fərid Qayıbov, Nəriman Abbasovun məşqçisi Şəhriyar Abbasov və digər şəxslər iştirak ediblər.
Nazir Fərid Qayıbov zalla tanış olub, burada yaradılmış şərait və müasir məşq avadanlıqları ilə yaxından maraqlanıb, idmançılarla görüşərək onlarla söhbət edib.
Qeyd edək ki, bu barədə Azərbaycanın qarışıq döyüş növləri üzrə idmançısı Nəriman Abbasovun şəxsi məşqçisi Şəhriyar Abbasov İdman.Biz-ə açıqlamasında məlumat vermişdi. Onun sözlərinə görə, Nəriman Abbasov zalı 2020-ci ilin fevralında dəm qazından boğularaq faciəli şəkildə dünyasını dəyişən kiçik qardaşı Arzumanın xatirəsinə həsr edib.
